كرسي الاعتراف

لعبة جامدة جدا لقيتها في كتير من المنتديات وعجبتني فكرتها مووووووووت هنمسك كل اسبوع عضو ونساله اسئلة بس عايزاكم العضو اللي نمسكه نشويه اسئلة والاجابات طبعا لازم تكون كلها صحيحة وصريحة للغاية و مفيش زعل في االجاحات ديه وهتكون لمده اسبوع من يوم 26/1/2009 حتي 3/2/2009

الاول نبدا بالعضو :smsm
سؤالي
الاسم:
السن:
العمر:
الجنسية:
الاقامة:

يلا سمسم ومن غير تفكير جاوبي بسرعة

واشمعنة انا يعنى يا منة
دعالعموم ماشى حاضر مضطرة

الاسم:سميةمحمد ابراهيم مصطفى
السن :شهر 4 اكمل 14
العمر:14
الجنسية: مصرية
الاقامة: اسيوط

حبك الاول والاخير
صديقة عمرك
غلطة
حلم
يالا يا سمسم جاوبى

حبى الاول والا خير:
مش عارفة انا محبتش حد حب حقيقى يعنى بس بيكون مجرد اعجاب وانا دلوقتى يعنى فى واحد معجبة بيه يمكن اكون بحبه مش عارفة على العموم هو اسمه محمد بس

صديقة عمرى:
منة طبعا وواحدة كانت صحبتى اسمها اية

غلطة :
طبعا حاجات كتير خالص بس الغلطة اللى انا بندم عليها دلوقتى ان واحدة صحبتى كانت فى مشكلة
وكانت عندها ازمة نفسية بس انا محستش بيها ومحاولتش اساعدها بس ياريت تسامحنى دلوقتى
وتعرف انها اخر مرة لانى دلوقتى انا بحبها اوى ومش عايزة اى حاجة تزعلها

حلم :
اول حلم انى مروحش المدرسة تانى
تانى حلم ان حبيبى يقولى بحبك او اعرف انه بيحبنى
تالت حلم ان محدش من اصحابى يزعل منى ابدا وانا واصحابى منسبش بعض خالص
رابع حلم ان ماما وبابا يكونوا راضيين عنى دايما
خامس حلم كفاية بقى عشان انا مش فاكرة اصلا

هه ماشى يا سمية عرفتى تفلتى

الحمد لله

طيب يا سمية سؤالي
ايه نقطة صعفك

نفسك لما تجيبى ولد تسميه ايه
لما تجيبى بنت
لما تحبى يكون اسمه ايه
يلا يا سمسمة جاوبى

نقطة ضعفى:اصحابى وحبيبى
نفسى لما اجيب ولد اسميه:البراء
ونفسى لما اجيب بنت اسميها:هايدى
وحبيبى:هو اسمه محمد بس انا مكنتش بفكر فى موضوع اسمه ايه يعنى كان عادى موضوع لاسم ده

اوكيه نكمل الاسئلة يا سمسم

متي نشوفك سعيدة ومتي نشوفك زعلانة؟

ما هي مساحه الحرية التي تتمنياها فيحياتك؟

ماهي اكلتك المفضله؟ وماهي هوايتك؟ وعطرك المفضل؟وماهي الدوله
اللي نفسك تزوريها؟

إيش تعنيلك هدي الكلمات ولمين تهديها ؟

ا- الحب

ب- الغيرة

ج- الفلة

د- الوفاء

حرام عليكى يا منة منك لله ارحمينى من اسئلتك دى

متي نشوفك سعيدة ومتي نشوفك زعلانة؟
ابقى سعيدة فى حاجات كتير مثلا لما اكون خارجة مع اصحابى او لما حد يصارحنى بحبه ومش فاكرة ايه تانى بصراحة واكون زعلانة لما اكون متخانقة مع اصحابى او لما اكون مكتئبة ومش عارفة ايه السبب ويعنى شوية حاجات تانى

ما هي مساحه الحرية التي تتمنياها فيحياتك؟
انى اخرج وقت ما انا عايزة وانى اعمل كل حاجة انا نفسى فيها من غير ما حد يقولى حاجة

ماهي اكلتك المفضله؟ وماهي هوايتك؟ وعطرك المفضل؟وماهي الدوله
اللي نفسك تزوريها؟
اكلتى المفضلة اى حاجة مشوية والمكرونة بانواعها,هوايتى التلوين,عطرى مفيش حاجة معينة اصل انا اصلا مش بحط برفان كتير,الدولة هيا باريس

- الحب
اجمل حاجة فى حياتى فيه معانى كتير اوى بحاول اعمل بيها دايما مع اللى بحبهم

الغيرة
احيانا بحس ان الغيرة حاجة طبيعية فى الواحد بس لما تزيد عن حدها بتغظنى اوى وممكن تسبب مشكل بينى وبين الشخص اللى بيغير

- الفلة
مش فاهمة يعنى ايه بصراحة

الوفاء
كلمة جميلة اوى بتعنى حاجات كتير اوى عندى وبتمنى ان كل اللى اعرفهم تكون فيهم الكلمة دى لانها اصل الحب

يلا يا سمسم هانت

عدى الكتير وما باقي الا القليل

خدي بقى نصيبك من عندي

من أنتي؟
باقة ورد لمن تهديها؟
من توأم روحك؟
جريمة تتمنى تعمليها بجد؟
أكتر شيء نفسك تعملية وفي مانع معين؟؟
مالأفضل ...الحب بعد الزواج ... أم قبل الزواج؟
أهدافك وطموحك ف الحياة؟
حاجات متقدريش تستغني ععنها؟
حاسة ان علاقتك مع ربنا كويسة؟
اذكرلنا
احكيلنا بقى موقف طريف وموقف مؤلم واسفة على تقليب المواجع وموقف محرج
حصل لك واتمنيتي ان الارض انشقت وبلعتك ؟؟؟

كفاية عليكي كده حاليا

لحد ما افتكرلك حاجة تانية

يلا منتظرين ردك بقى

حاضر يا تسنيم يارب اخلص بقى

من أنتي؟
انا بنت عادية بحب اعيش حياتى براحتى واحب اخرج واتفسح وبحب اصحابى جدا جدا هما احلى حاجة فى حياتى ساعات بكون غلسة بس لما بكون متضايقة اوى ومنة عارفة الموضوع ده بس مش فاكرة الباقى

باقة ورد لمن تهديها؟
لحبيبى ولكل اصحابى

من توأم روحك؟
توام روحى هيا منون طبعا

جريمة تتمنى تعمليها بجد؟
انى اقتل اللى بكرهم

أكتر شيء نفسك تعملية وفي مانع معين؟؟
انى اتكلم واخرج مع حبيبى
بس طبعا مينفعش

مالأفضل ...الحب بعد الزواج ... أم قبل الزواج؟
بعد الزواج

أهدافك وطموحك ف الحياة؟
انى اكون بنت مسلمة بمعنى الكلمة وانى اكون قدوة لناس كتير و مش فاكرة الباقى بصراحة

حاجات متقدريش تستغني ععنها؟
اصحابى النت التليفزيون الخروج

حاسة ان علاقتك مع ربنا كويسة؟
والله مش دايما انا عايزة طبعا ابقى احسن من كده لانى بعمل حاجات كتير غلط ونفسى ابطلها ودينى بحاول

المواقف بقى مش فاكرة والله بس لما افتكر هقول

اوك

بشكرك على صراحتك

بس المهم حاولي انك تفتكري المواقف بقى

يلا واحنا ف الانتظار ياسمسم

ما رأيك في معني الصداقة الحقيقة ؟؟

لو ان انتي ليكي صاحبة وشفتي فيها حاجات مش حلوة وانتي نفسك انك تغيريها مطلوب بقي منك يا ستي انك تغيريها بحيث انها مش تزعل منك ماشي